Um IRF

IRF er ein interkommunalur renovatiónsfelagsskapur, sum allar kommunur í Føroyum, við undantaki av Tórshavnar kommunu, eiga og reka í felag. Virksemið hjá IRF fevnir um øki hjá teim 28 limakommununum í felagnum.

Hjá IRF starvast umleið 100 fólk. Virksemið hjá IRF fevnir um:

Innheintan av húsarhalds- og virkisburturkasti
Endurvinningarhøll
Móttøkuhøll
Brennistøð
Reinsitænastu
Oljureinsiverk
Handfaran av serliga dálkandi burturkasti
Móttøku- og tyrvingarpláss í Trøllavík í Suðuroy
Jarnendurnýtslu á Gjánoyri í Norðstreymoy
Bilvrakpláss í Klaksvík, Sandoy og Suðuroy
Bilverkstaður í Klaksvík
Tyrvimóttøka og reinsiverk í Nýggjheiðum í Kvívík

Les umhvørvispolitik felagsins her.

Søga

Í 1970’unum var nógv kjak og politiskt rumbul um at fáa sett á stovn eina brennistøð fyri allar Føroyar. Avbjóðingin var stór við tí nógva burturkastinum, sum endaði í havinum og í náttúruni sum heild.

Av tí at stór ósemja var um, hvar brennistøðin skuldi liggja, tók Tórshavnar kommuna seg úr kjakinum og gjørdi av at byggja sína egnu brennistøð, Kommunala Brennistøðin á Hjalla í Havn.

Hinar kommunurnar í Føroyum komu ásamt um í 1979 um at stovna Interkommunala Renovatiónsfelagsskapin IRF. Endamálið við felagnum var soleiðis: “at virka fyri at burturkast og annað órudd verður beint burtur, so dálking av umhvørvinum heldur uppat” (Viðtøkur felagsins 2.grein). Eftir mikið kjak um staðsetingina, komu kommunurnar ásamt um at leggja brennistøðina á Hagaleiti í Leirvík, sum liggur lítlar tríggjar kilometrar frá bygdini. Brennistøðin hjá IRF var tikin í nýtslu í 1989.

Virksemið hjá IRF er nógv vaksið síðani hetta og fevnir tað í dag eisini um móttøkuhøll, endurvinningarhøll, tyrvimóttøku, rottangaskipan, oljureinsiverk og innsavning og handfaring av serburturkasti.

Varðar á leiðini

1979: IRF stovnað
1989: Brennistøð og tyrvingarpláss tikin í nýtslu
1991: Oljureinsuverkið á Kambsdali tikið í nýtslu
1996: Byrja innsavning av rottangaevju
1997: Støðin í Trøllavík tikin í nýtslu
1998: Jarnendurnýtslan á Gjánoyri tikin í nýtslu
2001: Endurvinningarhøll á Hagaleiti til pappír, papp og plast
2005: Nýggj roykreinsiskipan til brennistøðina
2009: Munandi útbygging av brennistøðini og jarnendurnýtsluni
2013: Nýtt oljureinsiverk og høll til serliga dálkandi burturkast á Hagaleiti í Leirvík
2016: Oljureinsiverkið og serliga dálkandi burturkast fingið altjóða ISO 14001:2015 góðkenning
2018: Stór og væleydnað útbygging av brennistøðini
2020: Nýggj móttøkuhøll tikin í nýtslu á Hagaleiti
2020: Nýggjur skrivstovubygningur tikin í nýtslu á Hagaleiti
2021: Alt virksemið hjá IRF fingið altjóða ISO 14001:2015 góðkenning
2023: Nýggj tyrvimóttøka og reinsiverk tikið í nýtslu í Nýggjheiðum í Kvívík
2024: Nýggja tyrvimóttøkan og reinsiverkið í Nýggjheiðum fingið altjóða ISO 14001:2015 góðkenning

Limakommunur

Tað eru 28 kommunur, sum eiga og eru limir í IRF:

Eiðis kommuna	Eiði, Ljósá og Svínáir
Eysturkommuna	Leirvík, Norðragøta, Syðrugøta, við Gøtugjógv, Undir Gøtueiði
Fámjins kommuna	Fámjin
Fuglafjarðar kommuna	Fuglafjørður, Kambsdalur, Hellur
Fugloyar kommuna	Hattarvík, Kirkja
Hovs kommuna	Hov
Húsavíkar kommuna	Húsavík, Dalur, Skarvanes
Hvalbiar kommuna	Hvalba, Sandvík
Hvannasunds kommuna	Hvannasund, Norðtoftir, Depil, Norðdepil, Múla
Klaksvíkar kommuna	Klaksvík, Húsar, Syðradalur, Svínoy, Árnafjørð, Norðoyri, Ánirnar, Mikladalur, Trøllanes
Kunoyar kommuna	Kunoy, Haraldssund
Kvívíkar kommuna	Kvívík, Leynar, Válur, Stykkið, Skælingur
Nes kommuna	Toftir, Nes, Saltnes
Porkeris kommuna	Porkeri
Runavíkar kommuna	Runavík, Saltangará, Skáli, Glyvrar, Søldarfjørður, Rituvík, Oyndarfjørður, Lamba, Æðuvík, Skálafjørður, Funningur, Funningsfjørður, Skipanes, Elduvík, Lambareiði
Skálavíkar kommuna	Skálavík
Sands kommuna	Sandur
Sjóvar kommuna	Strendur, innan Glyvur, Selatrað, Kolbeinargjógv, Morskranes
Skopunar kommuna	Skopun
Skúvoyar kommuna	Skúvoy, Stóra Dímun
Sumbiar kommuna	Sumba, Lopra, Akrar, Víkarbyrgi
Sunda kommuna	Gjógv, Norðskála, Oyri, Oyrarbakki, Langasandur, Haldórsvík, Saksun, Tjørnuvík, Streymnes, Hvalvík, Hósvík, Nesvík
Sørvágs kommuna	Sørvágur, Bøur, Gásadalur, Mykines
Tvøroyrar kommuna	Tvøroyri, Trongisvágur, Froðba, Ørðavíkarlíð, Ørðavík
Vága kommuna	Miðvágur, Sandavágur, Vatnsoyrar
Vágs kommuna	Vágur
Vestmanna kommuna	Vestmanna
Viðareiðis kommuna	Viðareiði

Limagjald

Limagjaldið hjá kommununum er í 2026 1.415 krónur pr. íbúgva. Limagjaldið verður skuldskrivað mánaðarliga.

Limagjaldið fevnir um:

Ruskgjald: kr. 1.167,- pr. íbúgva fyri ruskinnsavnan og burturbeining
Rottangagjald: kr. 248,- pr. íbúgva fyri regluliga rottangatøming

Tænasturnar, sum eru fevndar av limagjaldinum, eru innsavnan og handfaring av

Gráa posa til húsarhalds burturkast
Hvíta posa til pappír, papp og bleytt plast til endurvinningar
Reyða posa til serliga dálkandi burturkast
Ársbrúk pr. húski av gráa, hvíta og reyða posa
Reglulig rottangatøming

Um tú vilt vita meira?

IRF er ein interkommunalur renovatións felagsskapur, sum allar kommunur í Føroyum eiga, við undantaki av Tórshavnar kommunu.

IRF hevur eina solidariska skipan og merkir hetta, at tað kostar kommununum tað sama at fáa heintað ruskposar og tøma rottangar, óansæð hvør kommuna talan er um, og hvar hon liggur í landinum.

Limagjald yvir tíð

Ár	Ruskgjald	Rottangagjald	Samlað limagjald
1995	980 kr		980 kr
1996	980 kr	130	1110kr
1997	1020 kr	130	1150 kr
1998	1020 kr	130	1150 kr
1999	1020 kr	130	1150 kr
2000	1040 kr	130	1170 kr
2001	1090 kr	130	1220 kr
2002	1120 kr	130	1250 kr
2003	1190 kr	140	1330 kr
2004	1190 kr	140	1330 kr
2005	1230 kr	140	1430 kr
2006	1230 kr	140	1430 kr
2007	1230 kr	140	1430 kr
2008	1230 kr	140	1430 kr
2009	1290 kr	170	1460 kr
2010	1320 kr	180	1500 kr
2011	1085 kr	180	1265 kr
2012	1085 kr	180	1265 kr
2013	1085 kr	180	1265 kr
2014	1090 kr	185	1175 kr
2015	1095 kr	190	1285 kr
2016	1100 kr	195	1295 kr

Nevnd

Nevndin hjá IRF er hægsti myndugleikin. Nevndin er umboðað við limum úr teimum seks geografisku økjunum í Føroyum: Norðoyggjar, Eysturoy, Streymoy, Vágar, Sandoy og Suðuroy, hvør við sínum politiska umboði.

Eftir hvørt kommunuval verður nevndin vald av nýggjum fyri fýra ár, við limum úr kommunustýrunum.

Nevndin hjá IRF

Ársaðalfundurin hjá IRF

Ársaðalfundur verður hildin á hvørjum ári fyri 1. mai. Á fundunum hava allar limakommunurnar høvi at møta, við hvør sínum umboði.

Leiðsla

+298 23 42 00

sigurd@irf.fo

+298 23 42 16

jd@irf.fo

+298 23 42 14

aj@irf.fo