Reglugerð
Nýggj reglugerð fyri IRF varð samtykt á aðalfundi felagsins tann 21. apríl 2021.
Reglurnar komu í gildi 21. mai 2021.
Fært tú 10 røtt?
Við hesum lista kanst tú kanna, um tín grái posi hevur røttu umstøðurnar at virka undir. Listin tekur støði í reglugerðini, sum allar limakommunurnar hjá IRF samtyktu í 2021.
- Grái posin skal hava egið stativ uttanfyri húsini. Stativið skal standa á sjónligum stað frá koyrivegi.
- Stativið má í mesta lagi standa 20 metrar frá koyrivegi.
- Bert eitt ruskstað skal vera á hvørjari ogn.
- Posin skal vera ein gráur IRF-posi.
- Gonguleiðin til stativið skal verða sløtt, ljós og ruddilig. Tá ið hált og kavi er, skal gonguleiðin vera ruddað og trygg at ganga á.
- Einki spískt má latast beinleiðis í gráa posan.
- Bint knút á smáu ruskposarnar, áðrenn tú letur teir í gráa posan.
- Grái posin má í mesta lagi viga 20 kg.
- Grái posin má ikki fyllast upp um strikuna, sum gongur tvørturum posan í erva.
- Hundar og onnur djór mugu ikki vera til ampa fyri innsavnaran.
Fekst tú 10 røtt? So er alt í lagi. Um ikki, so er at fáa hetta í rættlag skjótast gjørligt.
To read this in English – follow this link! Will you get 10 out of 10?
Reglur um innsavning frá húsarhaldinum
Á aðalfundi tann 21. apríl 2021 samtykti IRF nýggjar reglur um innsavning av ruski frá húskjum í limakommununum. Reglurnar lýsa nágreiniliga, hvussu arbeiðsviðurskiftini hjá ruskinnsavnarunum eru skipaði.
Hesar reglur eru gjørdar við støði í kunngerð nr. 90 frá 20. juni 2011 um handfaring og burturbeining av burturkasti.
Stativið á røttum stað
Posastativið skal standa úti á sjónligum stað og sum høvuðsregla á stytstu leið millum koyriveg og húsini, tó í mesta lagi 20 metrar frá koyrivegi. Hjá húsarhaldum, ið hava meir enn ein posa, skal stativið í mesta lagi standa 10 metrar frá koyrivegnum. Bert eitt ruskstað skal vera á hvørjari ogn.
Ruskstaðið skal vera soleiðis, at tað er møguligt at koma heilt fram atstativinum við t.d.sekkjavogni, at stativið stendur á sløttum, soleiðis at posin kann takast uttan trupulleikar, og at posin kann takast og flytast uttan vanda fyri vanlukku ella heilsuskaða.
Ruskið
Rusk má ikki koyrast leyst í gráa ruskposan, men skal latast í ein afturlatnan posa.
Grái posi ikki tikin?
Orsøkir til, at grái ruskposin ikki verður tikin, kunnu vera:
- Grái ruskposin er skræddur.
- Grái ruskposin vigar meir enn 20 kg.
- Grái ruskposin er ovurfyltur, t.v.s. at tað eru minni enn 20 cm upp til kantin á posanum
Leiðin millum ruskstativ og innsavningarbil
Gonguleiðin skal vera sløtt og føst, ljós, rein og ruddilig. Gonguleiðin má ikki vera hál og skal vera ruddað fyri kava og ís.
Portur, lúkur el.tíl. skulu kunna standa í opnari støðu og vera nóg breið og høg til, at flutningurin kann fara fram uttan vanda.
Innsavnarin fer frá ognini,sum hann kom til hana. T.v.s. at portur o.t. skal latast aftur, tá ið farið verður av ognini.
Dettur burturkast niður, tá ið posin verður tikin, tekur innsavnarin hetta upp og beinir tað burtur, treytað av at krøvini í reglugerðini eru fylgd.
Fráboðan
Verður grái posin ikki tikin, fær viðkomandi húski boð um orsøkina frá IRF. Um borgarin ikki fær boð, kann orsøkin vera kavi, hálka ella tílíkt.